Minggu, 17 Februari 2019

AKU RAWERUH DADI WERUH


By  : Ihsanuddin.

(Alumni Ponpes YTP, Kertodono)

     Harianmerdekapost.com Sawuse pirang-pirang ndino swasanane sepi, jebul ono konco lawas kang nyebut salah sijine dulinan, kang luweh lawas manowo dibanding karo konco lawas (Sudono Syueb) kang nyebut dulinan mau.

     Kekehan , dulinan iki umure pancen wus atusan tahun , saking tuwane nganti ora ono wong kang nyumurupi, sopo sejatine kang ngawiti nggawe dulinan  kang aran kekehan.

     Kekehan  dulinan Soko kayu kang nduweni wujud lucu lan unik.
Cilik sirahe, gendut awak e, tanpo tangan , lan sikile mung siji arupo paku.  Dulinan Iki biso kanggo dulinan, lamun digandengi tali kang aran Uwet.
Tali mau di arani Uwet , amargo kanggo njiret gulune kekehan, lan diuwetake nganti pundak e kekehan, sakbanjure disabetake ono lemah , mongko kekehan mau bakal mumet sak banter-bantere.

     Ing tahun 60-an,  dulinan iki isih semarak lan banget di senengi kanggo bocah-bocah umur belasan tahun nganti remojo.
Ora mung kanggo banter-banteran munyer, nangeng ugo diadu. Mulo manowo ono kekehan  kang pundak e kebak Tatu paku, mongko biso dimestek ake manowo kekehan mau wus gelek diadu.

     Nurut crito, manowo dulinan kekehan iku sejatine amung sawijine gambaran.
Yoiku gambaran manungso naliko semono , kang urip eng jrone penjajahan. Senajan urip ono tanah tumpah darahku dewe , nangeng ora duwe panguwoso opo-opo.
Digambarno duwe sirah , tapi ora duwe tangan. Gulu dijiret tali (hidup tercekik), ora iso obah lamun ora dibanting disek .   Di edu Karo konco dewe, kanggo natoni konco dewe, seng Kabeh mau mung nurutin karep lan nafsune kang nyekel uwet (penguasa).
Mulo yo ora aneh maneh lamun dulinan iki  semarak eng naliko iku.
Pancen Yo biso ngakrapake kekancan, nanging Yo ora setitik kang nimbulake pasulayan antar konco.
Karepe gambaran iku, "Pribumi Ojo nrimo mung dadi kekehan, nangeng dadio wong seng nyekel uwet, Ben ora di adu terus".

     Mulo perlu dikaweruhi, naliko semono , peran wong tuwo bener-bener di butuhake eng ndalem paring pisuluh marang putro-putrane.
Wong tuwo ojo nganti amung dadi "tuwo tuwas mbrabas kari ampas", nanging bisoo dadi " Sepuh lan sesepuh, kang biso nyepuhi marang anak putu"
Dadi wong tuwo , ibarat emas, isoo dadi emas 24 karat, supoyo biso dadi sesepuh, lan wanti-wanti, wong tuwo ojo malah dadi emas sekarat, seng pungkasane  dadi sampah masyarakat.

     Gambaran-gambaran Kabeh mau Amung sawijine conto kang biso ditompo  kanti kawicaksanan.
Jare pujonggo jowo : "Jaman edan, Yen rangedan rakeduman , Melu ngedan ora tahan"
"Sak bejo-bejone wong kang lali, isih Bejo wong kang eling lan waspodo".

Lha sopo wong kang eling lan waspodo iku.....????
Yo iku wong kang tansah gandolan marang uger-ugere agomo kang sayekti suci (Islam).(Sudono Syueb/ed)

0 komentar:

Posting Komentar